{"id":2211,"date":"2026-04-02T12:00:22","date_gmt":"2026-04-02T11:00:22","guid":{"rendered":"https:\/\/www.cymorthcymru.org.uk\/?p=2211"},"modified":"2026-05-10T23:43:47","modified_gmt":"2026-05-10T22:43:47","slug":"datganiad-cartrefi-i-gymru-gyfan","status":"publish","type":"post","link":"https:\/\/www.cymorthcymru.org.uk\/cy\/datganiad-cartrefi-i-gymru-gyfan\/","title":{"rendered":"Datganiad Cartrefi I Gymru Gyfan: Cymunedau diogel, croesawgar a gwybodus"},"content":{"rendered":"

Mae Cymorth yn aelod o Cartrefi i Gymru Gyfan, y llais y sector tai a digartrefedd yng Nghymru – bartneriaeth trydydd sector o sefydliadau sy’n gweithio gyda ‘i gilydd i sicrhau bod pawb yng Nghymru yn gallu cael mynediad i gartref diogel a gwirioneddol fforddiadwy.<\/strong><\/p>\n

Rydym yn falch o gefnogi’r datganiad canlynol gan Gartrefi i Cymru Gyfan:<\/p>\n

\n

Fel llais cyfunol sefydliadau tai a digartrefedd y trydydd sector yng Nghymru, mae Cartrefi i Gymru Gyfan wedi ymrwymo i gefnogi cymunedau diogel, croesawgar a gwybodus. Bob dydd, mae ein haelodau\u2019n gweld pobl o bob cefndir a chred yn teimlo effaith yr argyfwng tai ac yn cyfrannu at eu cymunedau. Ar adeg pan mae llawer o bobl yn teimlo\u2019n bryderus neu\u2019n ansicr, mae gwybodaeth glir a charedigrwydd yn bwysicach nag erioed.<\/p>\n

Ar hyn o bryd, gwyddom fod y ddadl gyhoeddus am dai, mudo a gwasanaethau cymorth yn gallu bod yn gymhleth ac weithiau\u2019n ddryslyd. Mae pobl yn haeddu cael y ffeithiau cywir er mwyn gallu ffurfio eu barn eu hunain yn hyderus. Fel sefydliadau sy\u2019n gweithio ar hyd a lled Cymru i fynd i\u2019r afael \u00e2\u2019r argyfwng tai, byddwn yn parhau i rannu gwybodaeth glir a hygyrch, a bod yn agored am yr heriau y mae ein cymunedau\u2019n eu hwynebu. Gyda blynyddoedd lawer o brofiad rhyngom, fe wyddom fod y pwysau y mae pobl yn ei deimlo heddiw wedi deillio o brinder tai ers degawdau a heriau ehangach yn y system, a bod rhaid mynd i wraidd y broblem, yn hytrach na dibynnu ar naratifau gor-syml sy\u2019n stigmateiddio, er mwyn cael atebion parhaol. Rydym yn dal i ddilyn y gred bod gan bawb hawl i gartref diogel.<\/p>\n

Rydym hefyd yn cydnabod y gall camwybodaeth beri ansicrwydd a phryder yn ein cymunedau, yn enwedig i bobl ethnig leiafrifol a phobl eraill a allai eisoes fod yn profi anghydraddoldeb neu\u2019n teimlo nad ydyn nhw\u2019n cael eu gweld yn y ddadl gyhoeddus. Mae ein hymrwymiad cyffredin i degwch a gwrth-hiliaeth yn golygu ein bod wedi ymrwymo i sefyll ochr yn ochr \u00e2 phawb yn ein cymunedau er mwyn sicrhau bod pobl yn teimlo eu bod yn cael eu parchu a\u2019u cefnogi, a\u2019u bod yn ddiogel yn eu cartrefi, eu gweithleoedd a\u2019u cymdogaethau.<\/p>\n

Wrth symud ymlaen, byddwn yn parhau i weithio gyda\u2019n gilydd i sicrhau bod pobl yn gallu cael gafael ar wybodaeth glir a chywir, i herio camwybodaeth mewn modd pwyllog ac adeiladol, ac i fod yn agored ac yn dryloyw am yr hyn rydym yn ei wneud a pham. Drwy wneud hynny, a chynnal ein hymrwymiad i degwch a gwrth-hiliaeth, ein nod yw cefnogi cymunedau hyderus, gwybodus a charedig ym mhob cwr o Gymru.<\/p>\n

\n

Adnoddau:<\/strong><\/p>\n