Fel ein cynorthwyydd cyllid a gweinyddiaeth, mae Natalie'n darparu cymorth effeithiol i'n galluogi ni i ddarparu gwasanaethau o safon uchel i'n haelodau.

Mae Natalie'n ymuno â ni o dîm tai Cyngor Caerdydd lle roedd hi'n Swyddog Dewisiadau Tai, felly mae hi eisoes yn gyfarwydd â'r rhan honno o'r sector.

Bu Natalie'n astudio Cerddoriaeth Boblogaidd ym Mhrifysgol De Cymru, ac mae hi'n dal i fwynhau gwrando ar gerddoriaeth o bob math, o hip-hop i jazz, ac o gerddoriaeth dawns i gerddoriaeth yr enaid. Mae Natalie yn gwirfoddoli gyda Chartref Cŵn Caerdydd, gan fwynhau mynd â'r cŵn am dro, ac mae hi wrth ei bodd yn mynd i'r afael â rhaglen ddogfen dda ym maes troseddu, neu'n chwarae gemau cyfrifiadurol.

Mae swydd Hefin yn cynnwys cydlynu'r Fforymau Darparwyr Rhanbarthol chwarterol, yn ogystal â chyfrannu at ddatblygu ein safbwyntiau polisi a'n negeseuon allweddol, tra ar yr un pryd yn hyrwyddo ein gweithgareddau a'n gwasanaethau.

Mae gan Hefin MA yn Gyfathrebiad Gwleidyddol o Brifysgol Caerdydd. Cyn hynny, astudiodd am BA yn Wleidyddiaeth o Brifysgol Durham. Bu’n gweithio o blaen yn y tîm Cyfathrebu yn yr Adran Cyn-fyfyrwyr ym Mhrifysgol Caerdydd.

Tu allan i’r swyddfa mae’n hoffi cyfansoddi, darllen am wleidyddiaeth a gwylio ei hoff dîm pêl droed, Newport County. 

Rôl Katie yw darparu arweiniad strategol, cynrychioli aelodau Cymorth, hyrwyddo'r sector ac eiriol ar ran y bobl sy'n defnyddio ein gwasanaethau i aelodau yng Nghymru. Mae ei gwaith hefyd yn cynnwys datblygu Cymorth yn unol â gwerthoedd y sefydliad a'n fframwaith llywodraethu, gan gyflawni'n hymrwymiadau fel cwmni, fel cyflogwr ac fel elusen.

Mae gan Katie ddeng mlynedd o brofiad fel ymgyrchydd a gweithredwr polisi, ac yn ei chwe mis cyntaf gyda Cymorth mae hi wedi darparu llais cryf ar ran aelodau ar ariannu Cefnogi Pobl, Rhentu Doeth Cymru, a diwygiadau lles i lety â chymorth. Mae ei phwyslais ar weithio gydag aelodau a phobl sy'n defnyddio gwasanaethau i gefnogi'r sector er mwyn cael yr effaith fwyaf positif bosib ar fywydau pobl.

Ymunodd Katie â'r sefydliad ar ôl treulio pum mlynedd fel Rheolwr Polisi a Materion Cyhoeddus gyda Gofal, sy'n un o'r prif elusennau iechyd meddwl yng Nghymru. Yn ystod y cyfnod hwn, gweithiodd Katie gyda Llywodraeth Cymru, sefydliadau cyhoeddus a rhai yn y trydydd sector, a defnyddwyr gwasanaeth, er mwyn dylanwadu ar ystod o bolisïau a deddfwriaeth ym meysydd iechyd, tai a chyfiawnder troseddol.

Cyn hynny, roedd Katie yn Llywydd Undeb Cenedlaethol Myfyrwyr Cymru, lle bu'n ymgyrchu'n llwyddiannus i gynyddu cymorth i fyfyrwyr a diogelu myfyrwyr Cymru rhag ffioedd dysgu o £9,000. Roedd hi hefyd yn gyfrifol am arwain yr ymgyrch 'Mae Myfyrwyr yn Dweud Ie', ac roedd yn aelod o grŵp llywio ymgyrch genedlaethol 'Ie dros Gymru' ar gyfer refferendwm 2011 ar y pwerau i basio deddfwriaeth sylfaenol. Mae Katie hefyd wedi gwasanaethu fel aelod o Fwrdd Cyfarwyddwyr y Coleg Cymraeg Cenedlaethol, Cymru Yfory a Chymdeithas Tai Cadwyn.

Gareth yw Swyddog Ymchwil Cymorth Cymru, yn gweithio ar brosiect cydweithredol gyda Phrifysgol Met Caerdydd gyda chefnogaeth gan Ymddiriedolaeth Oak. Mae'n gwneud ymchwil ar effaith bersonol ac ariannol y gwasanaethau i'r digartref a chymorth ym maes tai.

Cafodd Gareth ei eni a'i fagu ym Madrid cyn symud i Abertawe i gwblhau ei radd mewn Cysylltiadau Rhyngwladol a Hanes Modern. Ar hyn o bryd, mae Gareth yn cwblhau ei radd Meistr yn Abertawe – cwrs oedd hefyd yn cynnwys treulio cyfnod ym Mhrifysgol A&M Texas.

Yn ei amser hamdden, mae Gareth yn olygydd y bas data ar-lein Tanks Encyclopedia, ac yn cyfrannu deunydd iddo.

 Cydlynydd Tai yn Gyntaf: Polisi ac Ymarfer yw Alex. Bydd e’n gweithio i weithredu Nod Ansawdd Tai yn Gyntaf, gan sicrhau bod y fethodoleg Tai yn Gyntaf yn gallu ffynnu ledled Cymru. Rhan allweddol o’r gwaith hwn fydd sefydlu perthynas gyda darparwyr cymorth, amlygu ymarfer da, ac asesu heriau.

Nid yw Alex yn newydd i’r sector tai a digartrefedd, gan iddo weithio ym meysydd ymchwil a pholisi i’r Wallich am sawl blwyddyn. Cyn hynny, bu’n gweithio yn y sector Addysg Uwch fel athro ysgrifennu academaidd a dulliau ymchwil. Mae e hefyd yn awdur cyhoeddedig.

Pan nad yw’n ymwneud â Thai yn Gyntaf, mae ganddo ddiddordeb mewn ffilmiau, gemau cyfrifiadurol a cherddoriaeth.

Mae swydd Gwyn yn ymwneud â threfnu a rhedeg rhaglen Cymorth o ddigwyddiadau, tra ar yr un pryd yn delio â'r strategaeth farchnata ar gyfer ein gwaith polisi a dylanwadu.

Mae llawer o'i brofiad ym maes marchnata'r celfyddydau, ac mewn swyddi gyda Llenyddiaeth Cymru a Chapter gweithiodd fel cydlynydd prosiect ar nid un, ond dwy, ŵyl i goffáu canmlwyddiant geni dau awdur o Gymru: Dylan Thomas yn 2014 a Roald Dahl yn 2016. Ymunodd â Cymorth yn 2017 yn dilyn cyfnod yn gwirfoddoli gyda Big Issue Cymru.

Yn ei amser hamdden mae Gwyn yn mwynhau gwneud tipyn o newyddiadura ym myd y celfyddydau a gweithredu fel DJ; mae e hefyd yn hoff iawn o goginio, chwilio am fargeinion mewn siopau elusen, a phrynu llyfrau (yn gyflymach o lawer nag y mae'n eu darllen!).

Rôl Oliver yw cynrychioli ein haelodau a rhoi’r wybodaeth ddiweddaraf iddyn nhw am bolisïau diweddar a chyfredol, ac i edrych ar ffyrdd posibl gall Cymorth Cymru barhau i gefnogi ein rhwydwaith eang o aelodau.

Mae gan Oliver MSc Econ yn Llywodraeth a Gwleidyddiaeth Cymru o Brifysgol Caerdydd ac mae'n aelod o’r Ganolfan Gydweithredol ar gyfer Tystiolaeth Tai, a'r Gymdeithas Frenhinol y Celfyddydau.

Ei rôl flaenorol oedd gweithio i ddau sefydliad rhoi ymchwil gofal cymdeithasol ar waith, Research in Practice a Research in Practice for Adults, lle roedd yn gyfrifol am gefnogi lledaenu gwybodaeth, cynnwys yr aelodau a datblygu busnes arall. Cyn hynny, graddiodd o Brifysgol Caerdydd gyda gradd mewn Gwleidyddiaeth.

Mae ganddo ddiddordeb mewn ysgrifennu creadigol, ymgyrchu, cynyddu ymwybyddiaeth, gwleidyddiaeth a marchnata.