Skip to main content

Dec 13th, 2022 | Newyddion Diweddaraf

Cymorth ‘yn siomedig iawn’ gyda chyllideb ddrafft Cymru

Heddiw, mae Llywodraeth Cymru wedi cyhoeddi ei Chyllideb Ddrafft ar gyfer 2023/24. Nid oes unrhyw gynnydd i gyllideb y Grant Cymorth Tai, sy’n ariannu’r rhan fwyaf o’r gwasanaethau cymorth ynghlwm â digartrefedd a thai yng Nghymru. Mae’r grant yn parhau ar £166m ar gyfer 2023/24.

Gallwch gael mynediad i ddogfennau cyllideb Llywodraeth Cymru ar eu gwefan.

Mewn ymateb i Gyllideb Ddrafft Llywodraeth Cymru am 2023/24, dywedodd Katie Dalton, Cyfarwyddwr Cymorth Cymru:

“Rydym yn hynod siomedig na chafwyd cynnydd yn y Grant Cymorth Tai, er gwaetha’r nifer sylweddol o bobl sy’n ddigartref a’r pwysau mawr sydd ar wasanaethau. Mae cyllideb arian gwastad yn doriad mewn termau real, ac mae yna berygl y bydd cyflenwi gwasanaethau’n dod yn anfforddiadwy oherwydd effaith chwyddiant a chostau ynni uchel.

“Rydym hefyd yn pryderu’n fawr ynghylch yr effaith ar weithwyr rheng flaen; mae’r gyllideb hon yn debygol o atal codiad cyflog sy’n gwbl angenrheidiol ar gyfer y gweithwyr allweddol hynny sy’n cyflawni gwaith anhygoel, ond sy’n cael eu gwthio ymhellach i dlodi.

“Dangosodd ein hymchwil yn gynharach eleni fod 44% o’r gweithwyr rheng flaen ym maes digartrefedd a chymorth tai yn cael anhawster i dalu eu biliau, 11% yn cael anhawster i dalu eu rhent, a tua 80% yn diffodd y gwres, golau ac offer trydanol yn yr ymdrech i ddod â dau ben llinyn ynghyd. Mae’r ffigurau hyn yn debygol o fod yn sylweddol waeth y gaeaf hwn.

“Er ein bod yn cydnabod bod hon yn gyllideb anodd iawn i Weinidogion Llywodraeth Cymru, rydym yn erfyn arnynt i ailystyried y penderfyniad hwn a chynyddu’r Grant Cymorth Tai yn eu cyllideb derfynol.”

Mae’r ystadegau parthed gweithwyr rheng flaen wedi eu cymryd o’r adroddiad ‘Anawsterau yn y Rheng Flaen’ y gellir ei lawrlwytho yma.

Cymorth Cymru
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.