Skip to main content

Mar 15th, 2023 | Newyddion Diweddaraf

Heddiw, mae Canghellor y DU wedi cyhoeddi £180 miliwn mewn cyllid ychwanegol ar gyfer Llywodraeth Cymru, fel rhan o Ddatganiad y Gwanwyn.

Heddiw, mae Canghellor y DU wedi cyhoeddi £180 miliwn mewn cyllid ychwanegol ar gyfer Llywodraeth Cymru, fel rhan o Ddatganiad y Gwanwyn.

Mae Cymorth Cymru yn galw ar Lywodraeth Cymru i ddyrannu swm ychwanegol o £16.7 miliwn* i’r Grant Cymorth Tai i osgoi argyfwng ariannu fydd yn arwain at wasanaethau’n cael eu gorfodi i gau neu leihau eu capasiti.

* Mae hyn yn seiliedig ar ddata a gasglwyd gan wasanaethau i’r digartref a chymorth tai y bydd y gost o’u cyflenwi’n codi o 10.1% yn 2023/24.

Mae data a gasglwyd gan ddarparwyr cymorth digartrefedd a thai yn ystod y 3 mis diwethaf yn dangos y canlynol:

  • Mae 93% o’r darparwyr gwasanaeth yn bryderus neu’n bryderus iawn ynghylch eu gallu i barhau i gyflenwi gwasanaethau os na cheir unrhyw gynnydd yn y Grant Cymorth Tai
  • Mae tua 29% o staff a ariennir gan y Grant Cymorth Tai yn cael tâl sy’n is na’r Cyflog Byw Cenedlaethol newydd a’r Cyflog Byw Go Iawn
  • Dywedodd un darparwr cymorth wrthym y bydd yn costio £500,000 yn ychwanegol iddynt dalu staff ar raddfa’r Cyflog Byw Go Iawn yn 2023/24 Dywedodd un arall y byddai’n costio dros £1 miliwn iddynt
  • Mae 18% o weithwyr rheng flaen yn cael anhawster i dalu eu rhent
  • Mae 56% yn cael anhawster i dalu eu biliau
  • Dywedodd 46% o’r gweithwyr rheng flaen y buom yn eu holi eu bod yn gwario 76–100% o’u cyflog ar gostau byw hanfodol; dywedodd nifer brawychus 14% – nad yw eu cyflog yn ddigon i dalu am y cyfan o’u costau byw

Dywedodd Katie Dalton, Cyfarwyddwr Cymorth Cymru:

“Mae cyfle gan Lywodraeth Cymru i osgoi argyfwng yn y gwasanaethau digartrefedd trwy ddyrannu swm ychwanegol o £16.7 miliwn* i’r Grant Cymorth Tai yn dilyn cyhoeddiad gan Lywodraeth y DU y bydd Cymru’n derbyn swm ychwanegol o £180 miliwn o Ddatganiad y Gwanwyn.

“Yr wythnos ddiwethaf, siaradais â darparwyr gwasanaeth a chomisiynwyr awdurdodau lleol, sy’n gorfod penderfynu pa wasanaethau i’w torri neu eu cau oherwydd diffyg cyllid ychwanegol gan Lywodraeth Cymru, er gwaetha’r ffaith fod y pwysau ar wasanaethau digartrefedd yn fwy nag erioed.

“Yn ogystal â hyn, amcangyfrifir fod 29% o weithwyr ym maes cymorth tai ar hyn o bryd yn derbyn tâl sy’n llai na’r Cyflog Byw Cenedlaethol newydd, er gwaetha’r ffaith eu bod yn gwneud gwaith anhygoel o bwysig a medrus. Mae’n hanfodol bod Llywodraeth Cymru’n cynnal ei hymrwymiad i’r Cyflog Byw Go Iawn ac yn sicrhau bod gwasanaethau’n cael yr arian mae arnynt ei angen er mwyn talu cyflog teg a chynnal gwasanaethau.”

*Mae hyn yn seiliedig ar ddata a gasglwyd gan wasanaethau i’r digartref a chymorth tai y bydd cost eu cyflenwi’n codi o 10.1% yn 2023/24.

Cymorth Cymru
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.